أنا أصلى و مش تقليد
بكتب علشان نَفسى
و ما بحبش أعيد
مغرور يمكن !
بس فى الحق عنيد
بكتب علشان نفسى
بتحب كل الناس
فهمتها إنت !
لما إنكتبت فى الأول على أى أساس ؟
إنـى أنـانـى
و كل حلمى شهرة من كلامى
أعوذ بالله
بكتب علشان بُكرة
شهرة إيه : هو أنا بكتب أغانى
بتعلم من الحياة دروس
و أسطر ورقى و أكتب ليك بدون فلوس
يمكن ! بَسمة كلامى تغير نفوس
أنا و إنت فى مدرسة الحياة تلاميذ
تعرف إن الفرح فيها لذيذ
كله أمل و لبكرة يكون تحفيز
بس إللى يغيظ
إن سحابة حزن تعدى علينا
نبكى بحرقة و نقول لدنيا خلاويص
مش لاعبين .. ونحبس نفسنا جوة أوضة ضلمة
نفضل كتير ساكتين ... بعيد عن اللمة
ده هروب من الواقع ودليل إنك ضعيف
واجه حزنك و كن بطل شريف
إعراف أسباب ضعفك
و بأيدك أوقف النزيف
أوعى دم حلمك يروح هدر
حارب بإيمانك شرور البشر
و إرضى بالنصيب و القدر
و قول يـارب
غيرك قالها و إنتصر
عرفت بكتب ليه
لأنى بَكره السكوت
و خايف حد من الحزن يموت
إنت كمان لازم تغير نفسك وغيرك
قبل ما القطر يفوت
و أرجع وأقول أنا أصلـى
أنا أصلى طيب زى كل الناس
الطيبة فطرة و الفطرة إحساس
غير كده تبقى ماشى عكس عكاس
لأن طيب هنا زى طيب بعيد
طيب عارف أنا ليه عنيد !
لأن الحق طريقة واحد أكيد
و مابحبش أتكلم كتير و أعيد
مع ناس بتخلى الباطل عيد
أرجع و أقول أوعى تحكم على حد
من غير ما تتعامل معاه
ربنا عالم إيـه جواه
يمكن تكون ظالمُة
قرب منه علشان تشوف ملامحُه
و إن كان غيرك بكلامه ظلامُة
ربنا يسامحـه
و أنا كمان مسامحك ^_^
لو كنت فهمت بداية الكلام
إنـه غـرور .
يارب تكون الرسالة وصلت تمام
و إن كان فيه زحمة مرور
لـ وجدى محمود
الفكرة مجنونة و العرض جديد
ردحذفتنتمى إلى المدرسة الحديثة للشعر
مع إعتذازى للمدرسة الكلاسيكية التى تشكل نسيج كتاباتى
تعدد القوافى مع إسلوب درامى شبابى لمحبى المدرسة الحديثة
قدمت تلك القصيدة
^_^
لنا الفخر والشرف أن نتشارك مع خبرة الحياة :)
ردحذفرائع المقال هذه المرة لانه طوووويل لاننا نبحر معك ف صدي الحياة لمدة أطول جمال ماتكتب يجعلنا نتمنى ان السطوور تطول أكثر وأكثر ,, من وأنا بتمعن الكلمات قولت انه اسلوب جديد عليك ياصديقي بس انت عارف جهلي بالانواع والاساليب لكن اتضح الاسلووب من تعليقك رائع تنوعك وخبرتك بكل جديد وحديث ,, سلم فكرك ياودي ^_^
يطول الكلام أو يقصر
ردحذفكما تمر علينا المواقف و الظروف
منها من يبقى بداخلنا و منها من يبقى لثوانى
و نكتسب من تلك المواقف خبرة تكون هى منارتنا إلى غد أجمل و مشرق
سلمى قد نفذت كلمات الأمتنان و الحب و الشكر و كل الكلمات التى تضيىء تعليقى ردا عليكى
و ما أستطيع أن أقولة الأن
كم أنتى صديقة ؟
كم أنتى قارئة مميزة ؟
كم أنتى شيقة ؟
كم أنتى محبة ؟
و كم و كم و كم لآخر مدا