الحياة ........ نوتة موسيقية

الـحياه ...... نوته مـوسيقيه
 العمـر فيهـا ألحان
معزوفة فـى دنيا... هـى المسرحية
إسـمها أنـا إنسـان
بـدايتها يوم الميلاد
و نهايتها فى علم الرحمن
فـصل هنـا
و فـصل حرمان
يعلى صوت النغم
و قت الفرحه و السعاده
ويبقى أنيين
وقـت الألم و الأحزان
إعزف بإيدك عمل
تسمع لحن نجاح
و إن كـان مصيرك فشل
قول آمنت بالقضاء و القدر
قلبى عازف ليهم إيمـان
فى الأصل إحنا بشر
و عباد لرب منان
خليها تعزف على الوتر
كل الألوان
فرحه زى المطر
و إبتسامه تتهز زى الشجر
و دمعه فى عز السهر
و ألم مع أشجان
إن كان فى يوم قلبك إنفطر
إنت إللى كسبان
الدنيا بتعلِم و تعَلم
و ترسم طريق و سط الخطر
يعدى بيك لبر الأمان
هعيش فيها عبد
و فى نفس الوقت سلطان
عبد..... للطيف- الرؤوف
-الحليم – العظيم –الحنان
عزى فى لحن الرضا
معزوف مهما كان
.....
إعزف فيها إللى يشفعلك
قـبل فوات الأوان
خير يبقالك
بعد ما ينزل الستار
هتروح مكان
هتكون فيه لوحدك
و ما فيش جار
هتقابل ربك
و تعرف ؟
جنه و نار

لـ وجدى محمود

رجعت تانى

بعد شهور من الغياب

رجت تانى

أدوق باب الأصحاب

رجعت تانى أقدم التهانى

و أنا كل أمانى . إن أشوف فى عيونهم مكانى
رجعت بنفس الأبتسامة
وشفت كتير قالوا حمد لله ع السلامة
ناس فرحانه برجوعى
و أنا من فرحتى نزلت دموعى

رجعت تانى

لاقيت بعض الصحاب بابهم مهجور
و المكان ضلمة ما فى نور

حسيت بغربة و قلب مكسور

طال غيابى .و رجعت ما لاقيت صحابى
رجعت تانى

و قلت أنا جيت

رد أصحاب قدام قالوا غريب فى البيت

منهم ناس نسيونى و ناس بتشبه ع الملامح

حكيت ليهم حكاوى إمبارح

قالوا أهلاً بطير المسافر

 وغيرهم قال أهلاً :رغم إنه مش فاكر!

رجعت تانى

و نقطة. ...و من بداية السطر
لنبدأ حكاية جديدة

لــ وجدى محمود

أعتذر بكل حب و كل أمل أن تقبلوا إعتذارى
بسبب غيابى عن التواصل معكم 
طيلة الفترة السابقة