محكمة الحب

يا سيدى القاضى
إسمعنى
و بحكمك أنا راضى

خصمى هو حبيب

و هو إللى رافع عليا دعاوى

حبيته حب مش عادى

هى إللى شاغل بالى

 و ساكن فؤادى

و القلب لما يختار

 ما تقدر عليه الأيادى

و إن كنت حبيته

 فاهو إللى بادى

قالى بحبك

حركنى من ثوباتى

رديت عليه وقتها

و قالت له إنت حياتى

…….

القاضى : لما إنت عاشق

ليه رافع عليك قواضى

و فى محكمة الحب

واقف قصادى

…………….

يا سيدى القاضى

بيقول عليا أنانى
علشان بغير
و غيره ما حبت تانى

فيه إيه خطير

كل ذنبى إنى بغير

………………

القاضى:ببقول عليك بتغير
و حبسه فى قفصك و خايف
عليه ليطير

بيقول كمان إن الغيره

معناها شك

مكتوب عندى كده فى الورق

هو ده التبرير

………………

يا سيدى القاضى

الغيره غير كده بكتير

الغيره هى المعنى السامى

للحب و الدنيا لسه بخير

لـو ؟!! عنــدك ورده

تحاوط عليها و تحميها

و لا تسبها لطير

مش كل إللى واقف على الشجر

عصافير

بين الورق مستخبيى نسر أوصقر

كبير

ياسيدى القاضى

إحكم و أنا راضى

بس إعمل حساب إن بحب

بضمير

علشان كده بغير
………………..

القاضى :ولكن المدعى طالب الفراق

……………….

لا ياسيدى القاضى

أنا له بشتاق

صعب عليا الفراق

 إحكم و أنا راضى

و إعمل حساب

إن جسدى فيه قلب!
مش جسد فاضى

و إن كان رفع عليا قضيه
 علشان بغير

أنا كمان أرفع عليه قضيه

إنه خلى قلبى له آسير

و شغل عقلى عليه بالتفكير

ياسيدى القاضى

إحكم و بحكمك أنا راضى

لـ وجدى محمود