حكاية طفل

حكايتى يتقال عليها موال
عرفت معنى الدنيا
و أنا لسه بلعب و سط العيال
عمرى يتعد على صوابع إيدى
وبإيدى كنت شغال
عرفت معنى الشقى
و كان صعب عليا المجال
إتعلمت إزاى أبنى
و عرفت يعنى إيه عزم و قوة الرجال
كنت من يومى وتد
على الأرض ثابت زى الجبال
إتحرمت من التعليم
علشان أبويا كان فقير الحال
مسحت بإيدى دمعته
و قلت ليه أنا ليك شيال
علمنى يعنى إيه رضا
و يعنى إيه لقمه حلال
قالى عشها ببساطه
تعشها مرتاح البال
خلصت حكايتى
بس ليا سؤال
مين السبب ..
أبويا و لا البلد
و يعنى إيه أطفال

لـ وجدى محمود