العمر لحظة

لحظات من عمرنا بتمر

و يفضل طعم ذكرياتها مر

و ذكريات تانية تسر
 
هى دى الحياة (حلو و مر)

...

لـ وجدى محمود

سراب الحب

سراب الحب

"هو و هـى"

______
قالت مسافره

هى : هتفتكرنى و لا هتنسانى
هو :إزاى هنسى و أنا ما ليش حبيب تانى
هى : توعدنى إنك مش هتنسانى
هو:إنتى فى قلبى و وجدانى
هى : هتعيش من غيرى وحدانى
هو: هعيش على ذكرى و صوره ليكى فى خيالى
هى : هتتحمل بعدى و أيامى
هو:هتبقى أصعب أيام و ليالى
هى : خايفة غيرى فى قلبك يملىء مكانى
هو : أنا قلبى إختارك من بين كل الأسامى
هى : خايفة تضعف..! و تموت أحلامى
هو : أضعف !لو تنطفى شمعتك و تزيد آلامى
هى : عارفة إنك عاشق و بتهوانى
هو : لانى صادق و الكدب ما يعرفه لسانى
هى : أكيد رغم إن أوقات بنكدب لأننا فى عالم أنانى
هو :  تقصدى أوقات بنضعف
هى : مش مهم . المهم أرجع ألاقيك فى إنتظارى
هو : أنا هعد الأيام و الليالى و الساعات و الثوانى
هى: سلام القطر جاى
هو: سلام يا حبى و يا غرامى
و بعد سنين كتير
فتح جوبها لاقى فيه كلمتين

( مش راجعه )

سراب الحب
لـ وجدى محمود

مش باقى مِنك

 مش باقى مِنك
غير كلمة حب فى ساعة صفا
مش باقى مِنك
غير لمسة إيد حسيت وقتها بالدفا
مش باقى مِنك
غير نظره كان فيها الوفا
مش باقى مِنك
غيرإبتسامه فى لحظة زعل كانت هى الشفا
مش باقى مِنك
غير صوتك إللى كان زى الكمان يعزف غُنا
مش باقى مِنك
غير دمعه وجعت قلبى أنا
مش باقى مِنك
غير كلمة عتاب من بعدها الحب إختفى
مش باقى مِنك
غير صوره فى ألبوم ذكريات عمر مضىَ
مش بقى مِنك
غير غرورك إللى خلى شمع الحب إنطفى
 مش بقى مِنك
 غير حيره وعذاب و أسى
مش باقى مِنك
غير خيالك فى الفضا
مش باقى مِنك
غير حبى ليكى وعشق الهوى
مش باقى مِنك
غير فراقك و إن كان فراقك قدر
 أنا راضى بحكم القضا

لـ وجدى محمود

علمتنى الحياة

علمتنى الحياة
  أن أعطيها و لا أبخل
  و الخير فيها أفعل
أن أتواضع و لا أخجل
و بالقضاء و القدر أقبل
الرزق سيأتينى فالما التعجل
فالحياه لا تدوم
فكن نفسك و لا تتجمل
و إياك و الآخرين حتى لا تتحول
فإذا إنسقت و راء الغرور
حتماً يوماً ستتسول
و يصبح حملك أثقل
هكذا علمتنى الحياة
  " أنى لن أبقى فيها. لهذا لن أنخدع أبداً فيها"
لـ وجدى محمود

أنثى بليدة

عرفتُ الأن لماذا أنتى عنيدة

عرفتُ الأن لماذا أنتى  بعيدة

عرفتُ الأن لماذا أنا حزين و أنتى سعيدة

عرفتُ الأن أنى أخطأت العنوان

عندما أحببت أنثى بليدة

تبحث عن المظاهر الجديدة

ولا تعرف معنى للحب !

و يبقى الحب........أنُشودة فريدة

لا تعزفها إلا حبيبة

مشاعُرها صادقه  و أكيدة

لـ وجدى محمود