أريدك ... !!
من الألف
للكاف ♥
بينهما
مسافه إشتياق لسنين عجاف
أشتاق
للأنين والحنين والهمسة
كما يشتاق
الألف للهمزة
أراك
أنتى الأم !!
كما تحضتن
الكاف لصغيرتها وتضم
لـ وجدى محمود
ع فــكـــرة
على فــكــرة
هقولك نصيحة لبكرة
ببلاش ومن غير أجرة !
الدنيا دى مقسومة
خطواتنا فيها مرسومة
والقاعدة فيها محكومة
مدروسة ومفهومة
تسعى ......تلاقى
تكسل هتدفع من عمرك
ويبقى عليك باقى !
غني أو فقير
حكمة من رب التدبير
ما عليك غير انك تكمل سير
وما توقفش مهما كان الوضع خطير
وقول يارب تلاقي التيسير
لوجدى محمود
أبو عيالى
ِحلمت بيك
و سرحت بخيالى
...لقيتك نجم عالى
إنت شمسى و إنت قمرى
إنت عمرى
إنت سهر الليالى
إنت إللى شاغل بالى
و قالب حالى
إنت إللى اتجوزنى
إنت حلالى
و أبو عيالى
يابختى بيك
دا أنا أمى دعيالى
لـ وجدى محمود
لـ وجدى محمود
خبط راسى فى الحيطة
خبطت راسى فى الحيطة
أصل أنا ساذجة و
عبيطة
للأسف مش زيك حويطة
لسه فى الحب تلميذة
جديدة
كنت فاكرة إنك ملاك
و هعيش معاك.....
سعيدة
آه و ألف آه ..
الصدمة كانت شديدة
موتت كل المشاعر و
الحب
و بقيت على الحديدة
كل ذنبى إن حبيتك و
حبى كان بزيادة
و إنت عملت الواجب و
شربت أنا قهوة سادة!
كنت فاكرة إنك ملاك
عايش و سط البشر
أتاريك شيطان و قلبك
حجر
خليت أعز شىء فيا انكسر
العيب مش فيك العيب
فيا
سلمتلك و بقيت أنا
الضحية
أنا مش مسمحاك
و هيحصل لأقرب الناس
ليك نفس الأذية
إللى إنت عملته مش
شطارة
الدنيا دوارة
كما تدين تدان
حتى لو طال الزمان
يا عزيزى الوغد
إنت إنسان
لــ وجدى محمود
أصعب إحساس
أصعب إحساس
لما تشوف نظرة حزن فى
عيون أقرب الناس
إنت السبب فيها من
الأساس
تقف وشك فى الأرض و
منهم مكسوف
دا الحزن مر
دا شىء معروف
حاولت أعبر عنه و
أوصفه ما لاقيتش ليه حروف
و أقول إنشقى يا أرض
و ابلعينى
و لا أشوفهم بيبكوا أُدَّام
عينى
ابكى يا قلب و يا نفس
لومينى
و حاولى يا عين
تسامحينى
أنا السبب فى الجرح
بدل ما أكون مصدر
فرح
يا ضميرى إنت بالذات
بلاش تعاتبنى
إنت عارف إنى مظلوم و
فى شىء أكبر منى جابرنى
أنا آخر واحد فى
العالم يجرح حد حاببنى
يا ضميرى أرجوك لا
تعاتب و لا تلوم
إنت عارف أد إيه أنا
مظلوم
لـ وجدى محمود
لـ وجدى محمود
الاشتراك في:
الرسائل (Atom)